От Павел Б.
К иером.Иннокентий
Дата 18.02.2006 10:06:58
Рубрики Евреи и Израиль;

Mолитва всем святым, в земле российской просиявшим



О всеблаженнии и богомудрии угодницы Божий, подвиги своими Землю Русскую освятивший и телеса своя, яко семя веры, в ней оставльшии, душами же своими Престолу Божию предстоящий и непрестанно о ней молящийся!
Величаем ваша великия подвиги, духовнии воины Христовы, терпением и мужеством до конца врага низложивший и нас от прелести и козни его избавляющий. Ублажаем ваше святое житие, светальницы божественнии, светом веры и добродетелей светящиеся и наши умы и сердца богомудренно озаряющий. Прославляем ваши великие чудеса, цвети райстии, в стране нашей северней прекрасно процветший и ароматы дарований и чудес повсюду благоухающий. Восхваляем вашу богоподражательную любовь, предстателие наши и покровителие, и, уповающе на помощь вашу, припадаем к вам и вопиим: равноапостольнии просветителие наши! Споспешествуйте людем Русския Земли преданную вами веру Православную твердо содержати, да спасительное семя, вами всеянное, не иссушено будет зноем неверия, но дождем Божия поспешения напоенное, плод изобильный да принесет.
Святителие Христовы! Молитвами вашими утвердите Церковь Русскую, ереси, расколы и нестроения в ней потребите, расточенныя овцы воедино соберите и от всяких волков, во одежде овчей в стадо Христово входящих, оградите.
Преподобнии отцы! Сохраните нас от прелестей мира сего лукаваго, да отвергшеся себе и вземше крест свой, последуем Христу, распинающе плоть свою со страстьми и похотьми, носяще тяготы друг друга.
Благовернии князие! Воззрите милостивно на земное отечество ваше и вся нечестия и соблазны, в нем ныне сущия, оружием молитв ваших потребите, да, якоже древле, тако и ныне, и в грядущее время прославляется на Святей Руси имя Господне.
Страстотерпцы Российстии преславнии! Укрепите нас в молитвенном стоянии даже до крове за веру Православную и обычаи отечества, да ни скорбь, ни теснота, ни гонения, ни глад, ни нагота, ни беда, ни меч не возмогут нас разлучит от любве Божия, яже о Христе Иисусе.
Блаженнии, Христа ради юродивии и праведнии! Посрамите мудрость века сего, возносящуюся на Разум Божий. Нам же помозите, спасительным буйством Креста Христова утвердившиеся, соблазны мудрости мирския незыблемым быти, горнее присно, а не земное помышляти.
Богомудрые жены, в немощнем естестве подвиги велия явившия! Молитеся за нас, да дух вашея любви ко Господу и ревность о угождении и о своем и ближняго спасении не оскудевают в нас.
Вей святии сродницы наши, от лет древних просиявший и в последния дни подвизавшиеся, явленнии и неявленнии, ведомии и неведомии! Помяните братскую немощь и уничижения и молитвами вашими испросите у Христа Бога нашего,спасения, да и они-наместник иеромонах Алексий,иером.Иннокентий,
иеромонах Александр;
диакон Георгий;
р.Б. Игорь, Роман, Вячеслав, и вся братия Спасо-Преображенского Посольского монастыря,а такожде и все
братия и сестры с "Русской Беседы"
безбедно преплывая житейскую пучину и невредимо соблюдая сокровище веры, в пристанище вечнаго спасения стремятся и в блаженных обителях горнего Отечества вкупе с вами и со всеми угодившими ему от века святыми в будущем чаемо водворятся благодатию и человеколюбием Спасителя нашего Господа Иисуса Христа, Емуже со Превечным Отцем и Пресвятым Духом подобает непрестанное славословие и поклонение от всех тварей во веки веков. Аминь.

Также и я,грешный р.Б.Павел,прошу Ваших праведных молитв
о новопреставленном р.Б.Василии.